ಅಧ್ಯಕ್ಷರ ಸಂದೇಶ


ಸಮಸ್ತ ಕನ್ನಡ ಬಾಂಧವರಿಗೆ ನಮಸ್ಕಾರ, 
ಕನ್ನಡ ಸಂಘ ಟೊರೊಂಟೊ ಒಂದು ಅತಿ ಶ್ರೇಷ್ಠ ಸಂಸ್ಥೆ.ಕನ್ನಡಿಗರು ಹೊರನಾಡಿಗೆ ಬಂದು ಸಹಕನ್ನಡಿಗರೊಡನೆ ಬೆರೆಯಲು ಹಾಗೂ ಕರ್ನಾಟಕದಿಂದ ಸಾವಿರಾರು ಮೈಲು ದೂರದಲ್ಲೂ ಕನ್ನಡತನವನ್ನು ಉಳಿಸಿ, ಬೆಳೆಸಿ ಕಾಪಿಡಲು ಅವಕಾಶ ನೀಡುವ ಒಂದು ಮಹಾನ್ ವೇದಿಕೆ.೧೯೭೩ರಲ್ಲಿ ಕನ್ನಡ ಸಂಘ ಟೊರೊಂಟೋದ ರಚನೆಯೊಂದಿಗೆ  ಗ್ರೇಟರ ಟೊರೊಂಟೊ ಕನ್ನಡಿಗರಿಗೆ  ಒಂದು ಹೊಸ ಅಧ್ಯಾಯ ಪ್ರಾರಂಭವಾಯಿತು. ಅಂದಿಗೆ ಹೊರನಾಡಿಗೆ ಬಂದ ಕೆಲ ಸಹೃದಯಿ ಕುಟುಂಬಗಳ ಕನ್ನಡ ನಾಡು ನುಡಿಗಳ ಬಗೆಗಿನ ಅದಮ್ಯ ಪ್ರೀತಿ, ಉತ್ಸಾಹ ಹಾಗೂ ಧ್ಯೇಯಗಳು, ಒಟ್ಟಾಗಿ ಸೇರಿ ಕನ್ನಡ ಸಂಘ ಟೊರೊಂಟೋ ಜನ್ಮ ತಾಳಿತು.
ಹಾಗೆ ಬೆರಳೆಣಿಕೆಯಷ್ಟು ಅಪ್ಪಟ ಕನ್ನಡಿಗರಿಂದ, ಸಣ್ಣ ಸಸಿಯಾಗಿ ಜನ್ಮಿಸಿದ ನಮ್ಮ ಕನ್ನಡ ಸಂಘವು ಇಂದಿಗೆ ನೂರಾರು ಹೊರನಾಡ ಕನ್ನಡ ಕುಟುಂಬಗಳನ್ನು ಕೂಡಿಸಿಕೊಂಡು ಹೆಮ್ಮರದಂತೆ ಬೆಳೆದು ಕನ್ನಡ ನುಡಿ, ಸಂಸ್ಕೃತಿಗಳನ್ನು  ಬಿಂಬಿಸುವ ಬೃಹತ್ ಕೂಟವಾಗಿ ನಳನಳಿಸುತ್ತಿದೆ. ಇದರ ಸಂಪೂರ್ಣ ಶ್ರೇಯ ಸಲ್ಲುವುದು, ಕನ್ನಡ ಸಂಘದ ರೂವಾರಿಗಳಾದ ಸದಸ್ಯರ ನಿ:ಸ್ವಾರ್ಥ ಸೇವೆ ಹಾಗೂ ಅಮೂಲ್ಯವಾದ ಸಾಂಸ್ಕೃತಿಕ ಕೊಡುಗೆ.ಟೊರೊಂಟೊ ಕನ್ನಡಿಗರ ಅದಮ್ಯ ಬೆಂಬಲವೇ ಕನ್ನಡ ಸಂಘದ ಈ ಯಶಸ್ಸಿಗೆ ಕಾರಣ. ಸಂಘದ ಸದಸ್ಯರು ಹಲವಾರು ವರ್ಷಗಳಿಂದ ಕನ್ನಡ ಪ್ರಜ್ಞೆ ಹಾಗೂ ಸಂಘದ ಒಗ್ಗಟ್ಟನ್ನು ಪೋಷಿಸುತ್ತಾ ಬಂದಿರುವುದು, ಸಂಘಕ್ಕೆ ಸಾಂಸ್ಕೃತಿಕ ಚಟುವಟಿಕೆಗಳನ್ನು ನಡೆಸಲು  ದಾರಿದೀಪವಾಗಿದೆ. ಟೊರೊಂಟೊ ಕನ್ನಡಿಗರು, ಬಿಡುವಿಲ್ಲದಿದ್ದರೂ ತಮ್ಮ ಬಹಳಷ್ಟು ವೇಳೆಯನ್ನು ಕನ್ನಡ ನಾಡು ನುಡಿ ಸಂಸ್ಕೃತಿಗಳಿಗಾಗಿ ಮುಡಿಪಿಟ್ಟು, ಸಂಘದ ಸೇವೆಗಾಗಿ ಅಹರ್ನಿಶಿ ದುಡಿಯುತ್ತಿರುವುದು ಅತ್ಯಂತ ಹೆಮ್ಮೆಯೆನಿಸುತ್ತದೆ.

೨೦೧೭ ರ ಕಾರ್ಯಕಾರಿ ಸಮಿತಿಯ ಅಧ್ಯಕ್ಷನಾದ ನಾನು ನಮ್ಮ ಸಮಿತಿಯ ಪರವಾಗಿ ನಿಮ್ಮೆಲ್ಲರಲ್ಲಿ ಮಾಡುವ ವಿಜ್ಞಾಪನೆಯೇನೆಂದರೆ ಸಂಘವು ಹಮ್ಮಿಕೊಳ್ಳುವ ಎಲ್ಲ ಕಾರ್ಯಕ್ರಮಗಳಲ್ಲೂ ಸಕ್ರಿಯವಾಗಿ ಭಾಗವಹಿಸುವುದರ ಮೂಲಕ ಸಂಘಕ್ಕೆ ನಿಮ್ಮ ಅವಿರತ ಬೆಂಬಲ ಹೀಗೆಯೇ ಅನುಗಾಲವೂ ಇರಲಿ ಎಂದು.ತಾವೆಲ್ಲರೂ ಪ್ರತಿವರ್ಷವೂ ಕನ್ನಡ ಸಂಘದ ಎಲ್ಲ ಕಾರ್ಯಕ್ರಮಗಳಿಗೂ ಬಹುಸಂಖ್ಯೆಯಲ್ಲಿ ಬಂದು ಭಾಗವಹಿಸಿ ಸಂಘಟಕರು, ಕಲಾವಿದರು, ಸ್ವಯಂಸೇವಕರು ಮೊದಲ್ಗೊಂಡಂತೆ ಪ್ರತ್ಯಕ್ಷವಾಗಿಯೂ ಪರೋಕ್ಷವಾಗಿಯೂ ಸೇವೆ ಸಲ್ಲಿಸುವ ಎಲ್ಲರನ್ನೂ ಹರಸಬೇಕೆಂದು ಈ ವರ್ಷದ ಸಮಿತಿಯ ಸದಸ್ಯರೆಲ್ಲರೂ ಕೋರುತ್ತೇವೆ.ಯಾವುದೇ ರೀತಿಯ ಭೇದಭಾವಗಳಿಲ್ಲದೆ ನಾವೆಲ್ಲರೂ ಒಟ್ಟಾಗಿ ಕನ್ನಡತಾಯಿಯ ಸೇವೆ ಸಲ್ಲಿಸೋಣ.

ಜೈ ಹಿಂದ್ ಜೈ ಕರ್ನಾಟಕ ಮಾತೆ

ಪ್ರಸನ್ನ ಕೃಷ್ಣ
ಅಧ್ಯಕ್ಷರು
ಕನ್ನಡ ಸಂಘ ಟೊರೊಂಟೊ ಸಮಿತಿ (೨೦೧೭ - ೨
೧೮)




Namaskara,


Welcome to the webpage of Kannada Sangha Toronto. KST is a non profit organization for people of Karnataka in Toronto Area, to enjoy, celebrate and participate in our rich diverse heritage, and culture. 

We conduct various programs throughout the year to promote culture, art and music of India, especially Karnataka. Find yourself reminiscing about the rich culture of Karnataka as you explore this site. 

​​​​​​​​UPCOMING EVENTS

​More details and Ticket information will be provided very soon.

ಕನ್ನಡ ಸಂಘ ಟೊರೊಂಟೊ

    Kannada Sangha Toronto