Kannada Sangha Toronto           

ಕನ್ನಡ ಸಂಘ ಟೊರೊಂಟೊ

ಪ್ರೀತಿಯ ಕನ್ನಡ ಬಂಧು ಮಿತ್ರರೆ,

ನರೇಂದ್ರ ಚಂದ್ರ ಶೇಖರ್ ಮಾಡುವ ನಮಸ್ಕಾರಗಳು.

೨೦೧೮-೧೯ರ ವರ್ಷದಲ್ಲಿ ನಮ್ಮ ಟೊರೊಂಟೊ ಕನ್ನಡ ಸಂಘದ ಕಾರ್ಯಕ್ರಮಗಳನ್ನು ನಿರ್ವಹಿಸಲು ನನಗೆ ಅವಕಾಶ ಮಾಡಿಕೊಟ್ಟ ತಮಗೆಲ್ಲರಿಗೂ ನನ್ನ ಧನ್ಯವಾದಗಳು.
ಇದೇ ಸಂದರ್ಭದಲ್ಲಿ ಈ ಸಾಲಿನ ಕಾರ್ಯಕಾರಿ ಸಮಿತಿಯ ಸದಸ್ಯರುಗಳನ್ನು ಮತ್ತು ನಮ್ಮ ಕನ್ನಡ ಸಂಘದ ಎಲ್ಲಾ ಕುಟುಂಬದವರಿಗೆ ಸ್ವಾಗತ ಬಯಸುತ್ತೇನೆ.

ಟೊರೊಂಟೊ ಕನ್ನಡ ಸಂಘದ ಧ್ಯೇಯ ಉದ್ದೇಶ ಗಳನ್ನ ಈಡೇರಿಸಲು ಹಾಗೂ ಸಾಧಿಸಲು ನಿಮ್ಮೆಲ್ಲರ ಸಹಕಾರ ಅಗತ್ಯ. ನಿಮ್ಮ ಉತ್ತೇಜನವೇ ನಮಗೆ ಪ್ರೇರಣೆ.
ಈ ಸಂಘದ ಕಾರ್ಯಕ್ರಮಗಳಲ್ಲಿ ಸದಸ್ಯರುಗಳು ಚಟುವಟಿಕೆಯಿಂದ ಭಾಗವಹಿಸುವುದರ ಜೊತೆಗೆ ಹೆಚ್ಚಿನ ಸಂಖ್ಯೆಯಲ್ಲಿ ಹಾಜರಿದ್ದು ಪ್ರೋತ್ಸಾಹಿಸಬೇಕೆಂದು
ಎಲ್ಲರಲ್ಲೂ ಪ್ರಾರ್ಥಿಸುತ್ತೇನೆ.
ಇತ್ತೀಚೆಗೆ ಸಂಘದ ಸದಸ್ಯರ ಸಂಖೈ ಮತ್ತು ಕಾರ್ಯಕ್ರಮಗಳಲ್ಲಿ ಭಾಗವಹಿಸಿ ಅವರ ಪ್ರತಿಭೆಗಳನ್ನ ಪ್ರದರ್ಶಿಸುವವರ ಸಂಖ್ಯೆ ಉತ್ತಮಗೊಂಡಿದೆ ಎಂಬ ಭಾವನೆ ಮೂಡಿದ್ದ ರೂ ಎಲ್ಲರೂ ನಿರೀಕ್ಷಿಸಿದ ಮಟ್ಟ ಮುಟ್ಟಿಲ್ಲ ಎಂಬ ನಿರಾಸೆ ಇದೆ.  ಸಂಘದ ಬೆಳವಣಿಗೆಗೆ ಸದಸ್ಯರ ಸಂಖ್ಯೆಯನ್ನು ಹೆಚ್ಚಿಸಲು ನೀವೆಲ್ಲರೂ ಸಹಕರಿಸಬೇಕೆಂದು ಪ್ರಾರ್ಥಿಸುತ್ತೇನೆ.
ಈ ಸಂಘದ ಕಾರ್ಯಕ್ರಮಗಳ ಪ್ರಚಾರದ ಕೆಲಸದಲ್ಲಿ ಮತ್ತು ಚಟುವಟಿಕೆಗಳ ಬಗ್ಗೆ ಮಾಹಿತಿ ತಿಳಿಸಲು ಸ್ವಯಂ ಸೇವಕರಾಗಿ ಕರ್ತವ್ಯ ನಿರ್ವಹಿಸುವ ಎಲ್ಲಾ ಸದಸ್ಯರುಗಳಿಗೂ ಮತ್ತು ಪ್ರಾಯೋಜಿಕರಾಗಿ ಹಣಕಾಸಿನ ನೆರವು ನೀಡಿ ಸಂಘದ ಬೆಳವಣಿಗೆಗೆ ಪರೋಕ್ಷವಾಗಿ ದುಡಿಯುವ ಎಲ್ಲಾ ಮಹನೀಯರುಗಳಿಗೆ ಈ ಸಂದರ್ಭದಲ್ಲಿ ನನ್ನ ಧನ್ಯವಾದಗಳನ್ನು ತಿಳಿಸಲು ಇಷ್ಟ ಪಡುತ್ತೇನೆ.

ಭಾಷೆ ಮಾನವ ಕುಲದ ಮಹೋನ್ನತ ಕೊಡುಗೆ.  ನಮ್ಮ ಕನ್ನಡ ಭಾಷೆ ಪುರಾತನವಾದದ್ದು.  ನಮ್ಮ ದೇಶದ ಸಾಂಸ್ಕೃತಿಕ ಕಲೆಯನ್ನು ಶ್ರೇಷ್ಠ ಮಟ್ಟದಲ್ಲಿ ಪರಿಚಯಿಸಿದ ಭಾಷೆ ನಮ್ಮ ಕನ್ನಡ.
ಆದಿ ಕವಿ ಪಂಪ, ರನ್ನ, ಜನ್ನರ ಆದಿಯಾಗಿ ದಾಸ ಪರಂಪರೆಯಲ್ಲಿ ಶ್ರೇಷ್ಠ ಕೃತಿಗಳು ರಚನೆಯಾಗಿರುವುದು ನಮ್ಮ ಸೊಗಸಾದ ಕನ್ನಡದಲ್ಲಿ.
ಕವಿ ಕುವೆಂಪು ಕಾರಂತ ಕಂಬಾರರ ಕಥೆ ಕವನಗಳಲ್ಲಿ ವೈಭವೀಕರಿಸಿಕೊಂಡು ಮೆರೆದಿರುವ ನಮ್ಮ ಈ ಕನ್ನಡ ಭಾಷೆ ಮತ್ತು ಸಂಸ್ಕೃತಿಯನ್ನು ವಿದೇಶಗಳಲ್ಲಿರುವ ನಾವೂ ಕೂಡ ಜಾಗೃತಿಯಿಂದ ರಕ್ಷೆ ಮಾಡುವುದರ ಜೊತೆಗೆ ಬೆಳೆಸುವುದೂ ನಮ್ಮ ಕರ್ತವ್ಯ ಮತ್ತು ಹೊಣೆ.

"ಎಲ್ಲಾ ದರು ಇರು ಎಂತಾದರು ಇರು ಎಂದೆಂದಿಗೂ ನೀ ಕನ್ನಡವಾಗಿರು ಕನ್ನಡ ವೇ ಸತ್ಯ ಕನ್ನಡವೇ ನಿತ್ಯ" ಎಂಬ ಕುವೆಂಪು ರವರ ನುಡಿಯಂತೆ ಈ ಟೊರೊಂಟೊ ಕನ್ನಡ ಸಂಘದ ಏಳ್ಗೆಗಾಗಿ ಶ್ರಮ ವಹಿಸಿ ಶ್ರದ್ಧೆಯಿಂದ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳುವೆವೆಂದು
ನಿಮ್ಮ ಎಲ್ಲರ ಸಹಕಾರವನ್ನು ನಿರೀಕ್ಷಿಸುತ್ತಾ ಈ ಕಾರ್ಯಕಾರಿ ಸಮಿತಿಯ ಪರವಾಗಿ ಈ ಮೂಲಕ ನಿಮಗೆಲ್ಲ ರಿಗೂ ಭರವಸೆ ಕೊಡುತ್ತೇನೆ.

ವಿನಯ ಪೂರಕವಾದ ಕೃತಜ್ಞತೆ ಗಳೊಂದಿಗೆ, 
ನರೇಂದ್ರ ಚಂದ್ರ ಶೇಖರ್.